Lojtari shet fanellën për 50 euro pas ndeshjes: I pranova në mënyrë instiktive
Nga OraNews Përditësimi i fundit 16 Prill 2024, 19:24
Një gjest që ka ka bërë xhiron e rrjeteve sociale është ai i lojtarit të Malagës, Dani Lorenzo.
Pas fitores 1-0 ndaj Atl. Madrid B, një prej tifozëve i kërkoi lojtarit fanellën, mirëpo ky i fundit nuk ia dhuroi falas.
Përkundrazi, ai e shiti fanellën për 50 euro duke qenë se klubi i dhuron lojtarëve vetëm një numër të caktuar fanellash për t’i shpërndarë apo dhuruar tek tifozët.
Lojtari, për të mos e paguar vetë fanellën që ia la fansit, u detyrua ta shiste atë.
Lorenzo më pas kërkoi falje për veprimin e tij ndërsa u shpreh se i pranoi paratë në mënyrë instiktive.
“Në fillimin e sezonit na jepet një numër i limituar fanellash për t’i dhuruar.
Unë e kisha plotësuar këtë numër, dhe në këtë rast klubi do të më detyronte të paguaja për fanellën.
Ia thashë këtë edhe tifozit, por ai më ofroi 50 euro dhe unë i mora në mënyrë instiktive”, u shpreh Lorenzo.
