KUJDES! PAMJE TË RËNDA/ Ushtarët rusë i presin veshin dhe e bëjnë ta hajë terroristin e ISIS pas sulmit në Moskë
Nga OraNews Përditësimi i fundit 25 Mars 2024, 15:43
Ky është momenti kur një nga katër terroristët që kryen masakrën e sallës së koncerteve në Moskë, qante dhe bërtiste ndërsa u kap nga ushtarët rusë, të cilët më pas vazhduan t’i prisnin veshin dhe ta bënin ta hante.
Rojet kufitare ruse dhe agjentët e FSB-së u panë duke goditur me furi një burrë që mendohej se ishte i dyshuari Saidakrami Murodalii Rachabalizoda pasi e ndoqën atë nëpër pyjet e dendura, në videon 90 sekonda të gjatë të shpërndarë në Telegram.
Pak çaste më vonë, një ushtar i tërbuar i preu veshin Rachabalizod-ës me një thikë dhe e detyroi atë ta hante në një video shumë të tmerrshme të publikuar.
Rachabalizoda është një nga katër terroristët e ISIS që u akuzuan gjatë natës për terrorizëm, pasi u kapën, dyshohet se u torturuan dhe u ndaluan nga shërbimet ruse të sigurisë pas sulmit vdekjeprurës në një sallë koncertesh në Moskë të premten mbrëma. Një nga terroristët u pa teksa dilte nga vendi i ngjarjes vetëm disa ditë para sulmit.
Autoritetet e armatosura ruse mund të shihen duke vrapuar nëpër borë dhe shi ndërsa kapin terroristin, i cili besohet të jetë pjesë e një sekti ultra brutal të ISIS.
Rachabalizoda mund të shihet i shtrirë me shpinë në një pozicion fetusi pasi dy burra të armatosur e kapin atë dhe e rrahin.
