Mbappe drejt Realit/ Mediat në Spanjë e konsiderojnë të mbyllur transferimin e francezit në Madrid

Nga OraNews Përditësimi i fundit 9 Mars 2024, 13:15

Kylian Mbappe mund të jetë lëvizja surprizë e Realit të Madritit. Mediet shkruajnë se mund të jetë arritur një marrëveshje për transferimin e sulmuesit.

Por prezantimi në “Bernabeu” do të varet shumë edhe nga turet ndërkombëtare. E përditshmja spanjolle “Marca” shprehet për dy mundësi, ajo e transferimit në gusht, dhe në fund të majit ose qershorit.

Fillimisht Mbappe do të angazhohet me kombëtaren e Francës në Evropianin e Gjermanisë, e më tej në Olimpiadën e Parisit që do të kushtëzojë kështu sezonin në 16 ose në 17 gusht.

Megjithatë si Reali dhe PSG nuk kanë pranuar të japin komente sa kohë janë ende në garën e Champions League.

Nëse të dy ekipet do të arrijnë në finale, gazeta shprehet se marrëveshja mund të arrihet mes 3 dhe 6 qershorit.

Por nëse skuadrat nuk do të shkojnë në “Wembley”, pakti mund të deklarohet në fund të muajit maj.

Ndërkaq analistët shtojnë se afrimi i Mbappe do të konsiderohet si një prej goditjeve më të mëdha në merkaton e viteve të  fundit.

25 vjeçari konsiderohet si një prej sulmuesve më të shpejtë dhe në kampionatin botëror të vitit 2018 mori edhe çmimin lojtari më i mirë kur ishte më moshën 19 vjeçare.