“Do t’i shuaj si familje”, babai i Sibela Abedinit: Nëse Altin Çokun nuk e dënon drejtësia, do t’i marr hakun 7-fish
Nga OraNews Përditësimi i fundit 21 Shkurt 2024, 13:10
Babai i Sibela Abedinit, në një lidhje telefonike në emisionin “Me zemër të hapur” në News24 ka deklaruar se në rast se nuk vepron drejtësia, do të jetë ai që do të marrë masa për ndëshkimin e Altin Çokut.
Sipas tij në rast se Çoku nuk dënohet me burgim të përjetshëm, ai do të marrë hak tek ai dhe familja e tij.
“Jam baba dhe nuk e lë me kaq historinë. Ai që ka shtyr drejt vetëvrasjes vajzën time
Të vrasësh një femër duhet të japësh 7 krerë meshkujsh. Unë do të pres ligjin, por kështu e parashikon Kanuni.
Nëse ligji nuk merr masa të rrepta. Do ta paguajë shtrenjt ai dhe familja e tij.
Djali më ka thënë që dikush e ka shtyrë Sibelën, dikush e ka telefonuar dhe e ka detyruar të dalë në tarracë që të pijë duhan.
Nëse shteti nuk çon drejtësinë në vend unë do të marr hakun 7-fish.
Kërkoj burgim të përjetshëm për Altin Çokun. Nëse lirohet do ta vras atë dhe familjen e tij, nuk e fal”, tha ai.
