Përplasja me Leroy Sane, trajneri i Union Berlin e pëson keq, merret vendimi për kroatin
Nga OraNews Përditësimi i fundit 25 Janar 2024, 18:14
Merret vendimi për Nenad Bjelican, trajnerin kroat të Unionit të Berlinit, i cili u bë protagonist i një përplasjeje me Leroy Sane gjatë ndeshjes me Bayernin.
Kampionët e Gjermanisë fituan 1-0, ndërkohë që një episod aspak i këndshëm ndodhi gjatë minutave të fundit.
“Lufta” për një top dërgoi në përdorimin e duarve të Bjelicas ndaj sulmuesit të skuadrës së Tuchel.
Veprim për të cilin 52-vjeçari nga Osijeku u ndëshkua me karton të kuq.
Por jo vetëm, pasi Bjelica është pezulluar me tri ndeshje.
Ndërkohë, Gjykata Sportive e DFB ka gjobitur teknikun ballkanas me 25 mijë euro për sjellje josportive.
Unioni po vuan këtë sezon, teksa ndodhet vetëm tri pikë sipër zonës së ftohtë.
Trajneri humbet duelet me Darmstadtin, Leipzigun dhe Mainzin.
Ai do të rikthehet në stolin e kryeqytetasve në përballjen e 10 shkurtit përballë Wolfsburgut në shtëpi.
