VIDEO/ Trajneri i Union Berlin “merr me shpulla” Leroy Sane

Nga OraNews Përditësimi i fundit 25 Janar 2024, 07:47

Një gjest i shëmtuar u regjistrua në duelin mes Bayernit dhe Union Berlinit që përfundoi me shifrat 1-0 për bavarezët. Protagonist u bë trajneri kroat i skuadrës mike, Nenad Bjelica, i cili goditi futbollistin Leroy Sane.

Bëhet fjalë për minutën e 74-t, futbollisti gjerman shkoi të merrte topin për ta rivënë në lojë, por u përball me një gjest antisportiv të trajnerit ballkanas.

Bjelica nuk preferoi t’i jepte topin Sanes, ndërsa nuk hezitoi as t’i përdorte duart e tij që u vendosën në fytyrën e futbollistit.

Trajneri u ndëshkua me karton të kuq, teksa gjasat janë të mëdha që të dënohet nga komisioni i disiplinës.