Nuri: Heqja e imunitetit të Berishës, është kryer në shkelje të Kushtetutës dhe rregullores së Kuvendit
Nga Katerina Hysenllari Përditësimi i fundit 25 Dhjetor 2023, 15:34
Përfaqësuesi ligjor i PD-së, Franc Nuri në një intervistë në Ora News foli për vendimin për Berishën që do mbahet nesër në GJKKO dhe cilat priten të jenë skenarët. Nuri u shpreh se heqja e imunitetit të Berishës është kryer në shkelje të Kushtetutës edhe të rregullores së Kuvendit.
‘’Unë jam I bindur se avokatët penalistë të Berishës do ta kontestojnë këtë cështje.
Ajo që u miratua në Kuvend javën e kaluar pra heqja e imunitetit të Berishës është kryer në një shkelje jo vetëm të Kushtetutës por edhe të rregullores së Kuvendit.
Kuvendi kishte detyrimin që gjatë seancës të lexonte raportet. Dy raportet e komisionit të këshillit të mandateve .
Asnji nga këto raporte nuk u lexua në seancë përpara votimit, ashtu sikur e kërkon rregullorja e Kuvendit.
Shkelja e dytë është se Berishës iu mohua fjala në seancë’’, tha ndër të tjera Nuri.
