SERIE A/ Inter fiton pastër ndaj Lecces së Ramadanit, Verona mposht Cagliarin
Nga OraNews Përditësimi i fundit 23 Dhjetor 2023, 20:11
Inter bind në takimin e javës së 17-të të Serie A, ndërsa fiton me rezultatin 2-0 ndaj Lecce-s.
Takimi i zhvilluar në “San Siro” foli për “zikaltërit”, të cilët zhbllokuan ndeshjen në minutën e 43’ me Bisseck që shënoi me kokë.
Sfida vazhdoi me rezultatin 1-0 deri në minutën e 78’, kur Barella shënon golin e dytë për Inter-in pas një kombinimi perfekt me Arnautovic.
Situata u përkeqësua edhe më keq për Lecce-n në minutën e 84’, me Banda-n që mori karton të kuq dhe la ekipin e tij me dhjetë lojtarë.
Pas kësaj ndeshje Inter kryeson me 44 pikë, teksa Lecce renditet në vend të 12-të me 20 pikë.
Sa u përket lojtarëve të kombëtares shqiptare, Ylber Ramadani e nisi ndeshjen si titullar me Lecce-n, teksa Asllani u aktivizua në minutën e 75’ në vend të Calhanoglu dhe tregoi një formë shumë të mirë.
Ndërkohë Verona fitoi me rezultatin 2-0 me Cagliari-n, me këta të fundit që e mbyllën takimin me 10 lojtarë.
Miqtë mbetën me dhjetë lojtarë që nga minuta e 52’, pasi Makoumbou mori kartonin e dytë të verdhë.
Vendasit e shfrytëzuan më së miri superioritetin numerik dhe në minutën e 53’ Ngonge kaloi Verona-n në avantazh.
Sfida u vulos në minutën e 90’ me Djuric që shënoi golin e dytë për ekipin e tij dhe i dhuroi qetësinë.
2-0 dhe Verona renditet në vend të 16-të më 14 pikë, teksa Cagliari në vend të 18-të me 13 pikë.
