Vrasja në burgun e Peqinit/ Pas arrestimit të Kamber Hoxhës, një javë më pas emërohet drejtori i ri
Nga Edison Vatnikaj Përditësimi i fundit 22 Dhjetor 2023, 09:43
Florenc Doka është drejtori i ri i burgut të Sigurisë së Lartë në Peqin.
Florenc Doka zëvendëson Kamber Hoxhën si drejtori i burgut të Peqinit pas arrestimit të këtij të fundit.
Hoxha ishte i komanduar ndërsa burime nga Drejtoria e Burgjeve konfirmojnë se Doka është emëruar me kompetenca të plota nga ministri i Drejtësisë.
Emërimi i tij vjen pas arrestimit të ish-drejtorit të burgut dhe zyrtarëve të tjerë pas vrasjes së Arben Lleshit nga Sokol Mjacaj.
Florenc Doka më herët ka qenë pjesë e sistemeve të burgjeve.
Doka është prezantuar nga drejtori Admir Abrija.
