E prekur dhe e përlotur, Chiara Ferragni reagon pas gjobës për mashtrim: Do të dhuroj 1 milion euro për spitalin

Nga OraNews Përditësimi i fundit 19 Dhjetor 2023, 15:08

Kompanitë e kontrolluara nga influencuesja italiane e modës Chiara Ferragni janë gjobitur me 1.075 milionë euro (1.18 milionë dollarë) për mashtrimin e klientëve mbi donacionet bamirëse të lidhura me shitjen e një Panetone Krishtlindjesh.

Blogerja akuzohet se i mashtronin blerësit të besonin se ata po kontribuonin drejtpërdrejt në një bamirësi për një studim mbi kancerin e kockave në një spital në Torino.

Konsumatorët gjithashtu u mashtruan duke besuar se vetë Ferragni po bënte donacione për spitalin, kur në fakt ajo kishte bërë një pagesë të vetme për objektin prej 50,000 euro (rreth 55,000 dollarë) muaj përpara lançimit të panetones,kështu që shitjet e produkti nuk kishte fare efekt në donacionet bamirëse.

Reagimi i Chiara Ferragni nuk ka vonuar, E prekur dhe e përlotur ajo u shfaq në videon e postuar sot në mediat sociale.

“Unë kam qenë gjithmonë e bindur se ata që janë më me fat kanë përgjegjësinë morale për të bërë mirë. Këto janë vlerat që më kanë shtyrë gjithmonë mua dhe familjen time. Kjo është ajo që ne u mësojmë fëmijëve tanë. Ne gjithashtu u mësojmë se gabimet mund të bëhen dhe se kur ndodh, duhet ta pranojmë, dhe nëse është e mundur, ta korrigjojmë gabimin e bërë dhe ta vlerësojmë atë. Dhe këtë dua të bëj tani”.

Hapi i parë është një falje, por mbi të gjitha një shenjë konkrete e gjestit të saj: “Do të dhuroj 1 milion euro për Regina Margherita për të mbështetur kujdesin e fëmijëve. Por kjo nuk është e gjitha: po e bëj publikisht sepse kuptova se kisha bërë një gabim komunikimi. Një gabim që do ta vlerësoj në të ardhmen, duke e ndarë tërësisht çdo aktivitet bamirësie, që kam bërë dhe do të vazhdoj ta bëj gjithmonë, nga aktivitetet tregtare. Sepse edhe nëse qëllimi përfundimtar është i mirë, nëse nuk ka pasur kontroll të mjaftueshëm mbi komunikimin, ai mund të shkaktojë keqkuptime”.

Ferragni konfirmon se do ta kundërshtojë dispozitën në çdo rast, “sepse e konsideroj disproporcionale dhe të padrejtë”, vijon ajo. Por ka më shumë. “Nëse sanksioni përfundimtar duhet të jetë – siç shpresoj – më i ulët se ai i vendosur nga AGCM, diferenca do tu shtohet një milion eurove. Në ditët në vijim do të flas me Regina Margherita për të kuptuar sesi spitali do ta përdorë shumën që kam dhuruar dhe do t’ju jap periodikisht përditësime. Gabimi im mbetet por dua të siguroj që nga ky gabim të lind diçka konstruktive dhe pozitive”, përfundoi ajo.