E rrallë në ndeshjen Inter-Real Sociedad, arbitri shënon në dorë lojtarët e ndëshkuar me karton të verdhë

Nga OraNews Përditësimi i fundit 13 Dhjetor 2023, 17:43

E çuditshme por e vërtetë.

Nuk ka kaluar pa u vënë re episodi interesant që ka përfshirë gjyqtarin Scharer në ndeshjen e zhvilluar mbrëmë në San Siro mes Interit dhe Real Sociedad, e vlefshme për javën e fundit të fazës së grupeve të Champions League.

Arbitri zviceran shënonte lojtarët që janë ndëshkuar me karton të verdhë.

Ai ndërtoi një tabelë, në njërën anë (I) kishte kuptimin e Interit, e në anën tjetër (RS) për Sociedadin.

Natyrisht, shkruheshin numrat e tyre që kanë mbi shpinë.

Pamjet janë bërë virale dhe kanë marrë shumë shpërndarje.

Sa i takon futbollistëve të ndëshkuar, Zubeldia dhe Zakharyan u “zverdhën” në pjesën e parë.

Nuk mbetën pa u ndëshkuar as japonezi Kubo, Elustondo, sakaq i vetmi në krahun tjetër që u paralajmërua ishte Lautaro.