Tentoi të korruptonte punonjësin e policisë, procedohet penalisht 28-vjeçari në Fier
Nga OraNews Përditësimi i fundit 9 Dhjetor 2023, 15:27
Një 28 vjeçar është proceduar penalisht pasi tentoi të korruptonte punonjësin e policisë rrugore. 28 vjeçari është konstatuar duke drejtuar automjetin me xhama të zinj.
Me qëllim shmangien e gjobës, drejtuesi i mjetit i ka ofruar punonjësit të policisë një shumë parash.
Njoftimi i policisë Fier:
Fier/Tentoi të korruptonte punonjësin e Policisë Rrugore, me qëllim shmangien e masës administrative, procedohet penalisht 28-vjeçari.
Gjatë kontrolleve parandaluese, shërbimet e Policisë Rrugore të DVP Fier kanë ndaluar për verifikim, automjetin me drejtues shtetasin M. R., pasi është konstatuar duke drejtuar një automjet me xhama të zinj.
Me qëllim shmangien e masës administrative, drejtuesi i automjetit ka tentuar të korruptojë punonjësin e Policisë, duke i ofruar atij një shumë parash.
Në vijim të veprimeve, u referuan materialet procedurale në Prokurorinë pranë Gjykatës së Shkallës së Parë të Juridiksionit të Përgjithshëm Fier, për shtetasin M. R., për veprën penale “Korrupsioni aktiv i personave që ushtrojnë funksione publike”.
