Kate Middleton reagon pas akuzave për racizëm ndaj djalit të Meghan
Nga OraNews Përditësimi i fundit 4 Dhjetor 2023, 18:41
Sipas një raporti, Kate Middleton është trishtuar që emri i saj është vënë në qendër të vëmendjes pas publikimit të librit më të fundit të Omid Scobie.
Në përkthimin holandez të biografisë së Scobie, "Endgame: Inside the Royal Family and the Monarchy’s Fight for Survival", u zbuluan emrat e dy anëtarëve të familjes mbretërore që dyshohet se bënë një koment “racist” për ngjyrën e lëkurës së djalit të Princit Harry dhe Meghan Markle.
Princesha Kate thuhet se ka mbetur e mërzitur që emri i saj po përmendet në bisedat për racizmin.
“Kate nuk ishte 100 për qind një nga njerëzit që e diskutuan atë. Ajo është e trishtuar që emri i saj u përfshi në këtë, sepse nuk kishte asnjë lidhje me të. Kjo ka mbyllur derën për çdo pajtim me Meghan për sa i përket Kate. Ajo është e lodhur nga mashtrimet e Meghan. Nuk do pajtohet kurrë me të,” tha Us Weekly.
Në mars 2021, William foli gjithashtu për pretendimet e Harry dhe Meghan për racizëm brenda familjes mbretërore, duke u thënë gazetarëve: “Ne nuk jemi një familje raciste”.
