Ish-trajneri i Tiranës, një nga kandidatët kryesorë për të marrë drejtimin e Kosovës
Nga OraNews Përditësimi i fundit 23 Nëntor 2023, 08:15
Pas Xhani De Biazit, një tjetër kandidaturë ka dalë për stolin e Kosovës, i cili ka mbetur bosh pas shkarkimit të trajnerit Primoz Gliha.
Bëhet fjalë për boshnjakun Blaz Sliskoviç, i cili në sezonin 2008-2009 ka drejtuar Tiranën.
Sipas ”sportske.ba”, Blaz Sliskoviç është një nga kandidatët kryesor të marrë drejtimin e Kosovës.
“Siç mësojmë, Sliskoviç është kandidati më serioz për postin e trajnerit të Kosovës”, ka shkruar ky medium.
64-vjeçari ka drejtuar skuadra të shumta boshnjake e kroate, si Zrinjski, Hajduk Split, Shiroki Brijeg, Zeljezniçar, etj, ndërsa është shpallur dy herë kampion në Bosnje dhe Hercegovinë.
