Ngacmoi se*sualisht 14-vjeçaren, arrestohet shoferi i linjës së transportit të nxënësve në Këlcyrë
Nga OraNews Përditësimi i fundit 10 Nëntor 2023, 22:03
Shoferi i linjës së transportit të nxënësve ndalohet nga policia e Përmetit pasi dyshohet për ngacmim seksual ndaj një nxenëseje të mitur.
Ngjarja ka ndodhur sot ku nxënësja 14 vjeçare nga fshati Katundisht është ankuar tek mësuesja e saj në shkollën 9 vjeçare "Kamber Bënja" në Këlcyrë.
Përditë shoferi i furgonit që transporton nxënësit nga fshati Katundisht ngacmonte përmes formave të ndryshme 14 vjeçaren madje dhe fizikisht.
Kjo situatë ka qënë e përsëritshme aq sa sot minorenia u ankua tek mësuesja kujdestare pasi kjo e fundit e pa duke qarë.
Menjëherë minorenia është çuar në Policinë e Përmetit ku ka dhënë dëshmi nën prezencën e psikologut.
Vetë nxënësja ka rrëfyer momentet e sikletshme dhe ngacmimet seksuale që i bënte shoferi i furgonit.
Pas kësaj është ndaluar shoferi i furgonit cili po mbahet në dhomat e paraburgimit në Drejtorinë Vendore të Policisë Gjirokastër, derisa Gjykata e Faktit të shprehet brenda 48 orëve me një vendim.
Njoftimi i policisë Këlcyrë:
Ngacmoi seksualisht një 14-vjeçare në furgonin me të cilin transportonte nxënësit, ndalohet 36-vjeçari.
Specialistët për Hetimin e Krimeve në Stacionin e Policisë Këlcyrë pas kallëzimit të bërë nga një 14-vjeçare se drejtuesi i furgonit që transportonte nxënës shkolle, e kishte ngacmuar seksualisht në mënyrë të vazhdueshme përreth 1 viti, menjëherë kanë organizuar punën për kapjen e tij.
Si rezultat i punës, është bërë kapja e shtetasit N. J., 36 vjeç, banues në fshatin Katundisht, Këlcyrë dhe në përfundim të veprimeve të para hetimore është bërë ndalimi i tij për veprën penale “Ngacmimi seksual”.
Materialet procedurale i kaluan Prokurorisë për veprime të mëtejshme.
