Aksidentoi për vdekje të moshuarën në Shkodër, arrestohet 53-vjeçarja
Nga OraNews Përditësimi i fundit 4 Nëntor 2023, 15:36
Arrestohet një 53 vjeçare që përplasi për vdekje një 72 vjeçare në Shkodër. 53 vjeçarja duke drejtuar automjetin e saj aksidentoi për vdekje 72 vjeçaren që lëvizte me biciklete.
Njoftimi i policisë Shkodër:
Përplasi me automjet, biçikletën me të cilën lëvizte një 72-vjeçare që humbi jetën më pas, në spital, arrestohet 53-vjeçarja.
Specialistët e Qarkullimit Rrugor të Drejtorisë Vendore të Policisë Shkodër arrestuan në flagrancë shtetasen A. R., 53 vjeçe, pasi ditën e sotme, rreth orës 10:30, në lagjen “Skënderbeg”, automjeti që drejtonte kjo shtetase, ka përplasur biçikletën me të cilën lëvizte shtetasja M. Ç., 72 vjeçe.
Shtetasja M. Ç., për shkak të dëmtimeve të marra, ka humbur jetën më pas, në spital.
Vijojnë hetimet për të përcaktuar shkakun e aksidentit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
