Turqia do të nisë prodhimin vendas të vaksinës kundër hepatitit A
Nga OraNews Përditësimi i fundit 1 Nëntor 2023, 06:42
Turqia do të prodhojë një vaksinë kundër hepatitit A, tha presidenti turk Rexhep Tajip Erdogan.
Erdogan i bëri komentet në ceremoninë e inaugurimit të Qendrës së Prodhimit të Vaksinave KeyVac në kryeqytetin turk të Ankarasë, një sipërmarrje e përbashkët e Alagoz Holding të Turqisë dhe Sinovac Biotech e Kinës, me një sipërfaqe totale fabrike prej 29,500 metra katrorë.
Turqia do të jetë vendi i katërt që do të prodhojë këtë vaksinë në standardin më të lartë, tha Erdogan.
“Varësia jonë nga furnizimet e huaja do të ulet. Ne gjithashtu do të kemi burime njerëzore të avancuara dhe të trajnuara,” shtoi ai.
