Shtëpia e Bardhë: 66 kamionë me ndihma kanë hyrë në Gaza në 24 orët e fundit
Nga OraNews Përditësimi i fundit 31 Tetor 2023, 20:30
Shtëpia e Bardhë thotë se 66 kamionë me ndihma humanitare kanë hyrë në Gaza në 24 orët e fundit me dhjetëra kamionë të tjerë të liruar për t’u dorëzuar.
Zëdhënësi i sigurisë kombëtare, John Kirby u tha gazetarëve se Presidenti i SHBA Joe Biden do të fliste më vonë me mbretin e Jordanisë Abdullah për diskutime në lidhje me enklavën palestineze, shkruan Al Jazeera.
Të paktën dhjetë persona janë vrarë dhe të tjerë janë plagosur në një bombardim izraelit të kampit të refugjatëve Al-Shati, i njohur gjithashtu si Camp Beach, përgjatë bregut të qytetit të Gazës.
Kampi i plazhit është kampi i tretë më i madh nga tetë kampet e refugjatëve në Rrip dhe një nga më të mbushurit me njerëz.
Më herët u raportua edhe për një sulm në kampin e refugjatëve Jabalia, ku sipas mediave të huaja, të paktën 50 persona kanë humbur jetën dhe shumë të tjerë janë plagosur.
