Izraeli kërkon mbylljen e rrjetit televiziv arab "Al Jazeera" Po përhap lajme pro Hamasit
Nga OraNews Përditësimi i fundit 15 Tetor 2023, 10:04
Ministri i Komunikimit i Izraelit ka kërkuar që media lokale 'Al Jazeera' të mbyllet dhe akuzoi stacionin e lajmeve të Katarit për nxitje pro-Hamasit dhe për ekspozim të ushtarëve izraelitë ndaj sulmeve të mundshme nga Gaza.
Propozimi për mbylljen e 'Al Jazeera' u verifikua nga zyrtarët izraelitë të sigurisë dhe po verifikohej nga ekspertë ligjorë, shkruajnë mediat e huaja.
"Ky është një stacion që nxit, ky është një stacion që filmon trupat në zonat e grumbullimit (jashtë Gazës) ... që nxit kundër qytetarëve të Izraelit - një zëdhënës propagande," i tha Karhi Radios së Ushtrisë së Izraelit.
“Është e pandërgjegjshme që mesazhi i zëdhënësve të Hamasit kalon nëpër këtë stacion,” tha ai, duke shtuar: “Shpresoj se do të përfundojmë me këtë sot”. Nuk ishte e qartë nëse deklarata e fundit i referohej një diskutimi në kabinet ose zbatimit të një mbylljeje.
