"Kuq e zi, ama pushimet në Itali", Arbana Osmani nuk ia përton një përgjigje ndjekëses
Nga OraNews Përditësimi i fundit 14 Tetor 2023, 13:22
Moderatorja Arbana Osmani, së fundmi është shfaqur shpesh nëpër stadiume në vende të ndryshme të botës.
Për këtë tifozëllik të saj, ka gisht padyshim Eduart Grishaj, i cili është një fans i futbollit. Çifti nuk mungoi as në ndeshjen e madhe Shqipëri-Çeki.
"Kuq e zi gjithë jetën", shkruan Arbana në një foto në rrjetin social "Instagram", ku shfaqej në krah mikes së saj, Xhemi Shehu.
Si gjithmonë komentet janë të shumta në fotot e saj, por këtë herë njëri prej tyre ia ka marrë vëmendjen Arbanës.
"Kuq e zi, ama pushimet në Itali", shkruan një komentues.
Por moderatorja duket se nuk ka pritur dhe i është përgjigjur me ironi: "Edhe dasmën mos harro."
Kujtojmë se Arbana Osmani u martua në Toskanë në Itali.
