Shqipëria në OKB dhe situata Kosovë-Serbi/ Krisafi: Të hiqet e drejta e Vetos, Kurti ka të drejtë
Nga Siklajda Shorja Përditësimi i fundit 21 Shtator 2023, 17:54
Profesori Ksenofon Krisafi ishte i ftuar në stuion e Ora News ku foli për Asamblenë e Këshillit të Sigurimit në OKB, ku Shqipëria ishte drejtuese e këtij Këshilli. Krisafi theksoi se Shqipëria e drejtoi mbledhjen me dinjitet, dhe të hiqet e drejta e Vetos.
"Shqipëria pjesë e OKB, pas një kalvari të gjatë. Shqiptarët janë edhe njerëzit që kanë aftësi të drejtojnë mbledhje në OKB, dhe ta drejtojnë me dinjitet. Të shtrohet çështja e një reforme për reformimin e Këshillit të Sigurimit.
Të hiqet e drejta e Vetos. Ekziston mundësia që Rusia të dalë para përgjegjësive për luftën në Ukrainë", tha ndër të tjera Krisafi. Profesori Krisafi shtoi se Kosova fiton shumë nga pjesëmarrja e Shqipërisë në OKB.
Përsa i përket situatës së Kosovës, Krisafi theksoi se Kurti ka të drejtë dhe se Lajçak ishte pjesë e delegacionit serb.
