Begaj dekreton lirimin nga detyra të zv.drejtorit të SHISH, ja ku do të shërbejë Oljan Kanushi
Nga OraNews Përditësimi i fundit 14 Shtator 2023, 12:33
Presidenti Bajram Begaj dekreton lirimin nga detyra të Zëvendësdrejtorit të Shërbimit Informativ të Shtetit, Oljan Kanushi.
Ndërkohë përmes një dekreti tjetër është bërë me dije se Oljan Kanushi do të jetë ambasadori i ri i Republikës së Shqipërisë në Slloveni. Ai do të zëvëndësojë në këtë detyrë Pëllumb Qazimin.
DEKRET
PËR LIRIMIN E ZËVENDËSDREJTORIT TË SHËRBIMIT INFORMATIV TË SHTETIT
Në mbështetje të nenit 93 të Kushtetutës dhe nenit 5 të ligjit nr. 8391, datë 28.10.1998, “Për Shërbimin Informativ Kombëtar”, të ndryshuar, me propozim të Kryeministrit,
Zoti Oljan Kanushi lirohet nga detyra e Zëvendësdrejtorit të Shërbimit Informativ të Shtetit.
Ky dekret hyn në fuqi menjëherë.
