Dhunoi bashkëshorten e tij, arrestohet në flagrancë 52-vjeçari në Elbasan
Nga OraNews Përditësimi i fundit 3 Shtator 2023, 11:16
Një 52-vjeçar në Elbasan është arrestuar në flagrancë pasi ka ushtruar dhunë ndaj bashkëshortes së tij. Ndërsa një 41 vjeçar është proceduar pasi zjarri që ndezi në tokën e tij u përhap dukë djegur sipërfaqe me shkurre e barishte.
Njoftimi i policisë Elbasan:
Specialistët për Hetimin e Krimeve të Komisariatit të Policisë Elbasan arrestuan në flagrancë shtetasin Q. S., 52 vjeç, banues në Elbasan,pasi ka ushtruar dhunë ndaj bashkëshortes së tij.
Po nga këta specialistë u referuan materialet në Prokurori ku nisi procedimi në gjendje të lirë për shtetasin A. S., 41 vjeç, banues në fshatin Bradashesh, pasi në fshatin Fikas, në pronën e tij, ka ndezur zjarr për të djegur disa barishte dhe si pasojë e përhapjes së flakëve, është djegur një sipërfaqe tjetër toke me shkurre dhe barishte.
Materialet procedurale i kaluan Prokurorisë, për veprime të mëtejshme.
