Macron i bën thirrje Nigerit të rivendosë rendin kushtetues
Nga OraNews Përditësimi i fundit 24 Gusht 2023, 19:07
Presidenti francez, Emmanuel Macron ka bërë thirrje për një kthim në rendin demokratik në Niger, një ish-koloni franceze, udhëheqja e zgjedhur e së cilës u rrëzua pas një grusht shteti ushtarak muajin e kaluar.
“Për sa i përket Nigerit, ne jemi të qartë, grushti i shtetit është kundër demokracisë në Niger, kundër njerëzve në Niger dhe kundër luftës kundër terrorizmit”, tha sot Macron për revistën “Le Point”.
“Prandaj, Franca kërkon lirimin e presidentit të arrestuar Mohamed Bazoum dhe rivendosjen e rendit kushtetues”, tha ai.
Grushti i shtetit në fund të korrikut erdhi si një goditje e madhe për marrëdhëniet midis Francës dhe Nigerit.
Franca ka dislokuar ushtarë në disa pjesë të Afrikës Perëndimore si pjesë e operacioneve anti-terroriste të mbështetur nga presidenti Macron.
“Nëse nuk do të kishim përfshirë operacionet Serval dhe më pas Barkhane, nuk ka dyshim se Mali dhe Burkina Faso nuk do të ekzistonin më, dhe nuk jam i sigurt nëse Nigeri do të ekzistonte ende”, tha ai.
Macron tha se operacionet franceze parandaluan me sukses formimin e kalifateve disa mijëra kilometra larg kufijve të Francës.
“Kur ka një grusht shteti dhe kur lufta kundër terrorizmit nuk është prioriteti i sundimtarëve të rinj, Franca nuk ndihet e angazhuar”, tha Macron.
Nigeri, një vend me rreth 26 milionë banorë dhe një nga popullsitë më të varfra në botë, ishte një nga partnerët e fundit demokratikë të Shteteve të Bashkuara të Amerikës dhe Evropës në të ashtuquajturin “puçi i shtetit”.
