Nga anëtare i ISIS-it në influencuese në TikTok, njihuni me Tarina Shakil e cila bën foto me markat e modës

Nga OraNews Përditësimi i fundit 18 Gusht 2023, 20:21

Tareen Shakil ishte gruaja e parë britanike që iu bashkua grupit terrorist. Ajo ishte në të 20-at e saj kur solli vogëlushin e saj në Siri, me një gjykatës që tha se ajo do ta dinte se ai do të rritej për të qenë një luftëtar për kultin e vdekjes.

Ekstremistët e radikalizuan atë në internet, dhe ajo shkoi në vendin e shkatërruar nga lufta në tetor 2014 pasi u tha miqve se do të shkonte në Turqi për pushime.

Muaj më vonë ajo vendosi të largohej nga grupi ku dhe u dënua. Pas një dënimi me gjashtë vite burg, të cilin e kreu më pak se gjysmën, ajo është shfaqur në rrjetet sociale.

Duke përdorur emrin online That Girl Tam Tam, ajo u bë e njohur në Instagram, por tani e ka bërë atë profil privat. Ajo ka grumbulluar 4.000 ndjekës dhe rreth 100.000 pëlqime nëpër videot e saj në të cilat u ofron njerëzve këshilla biznesi.

"Unë do të marr gjithçka që kam dashur ndonjëherë", thuhet në një mbishkrim në një klip.

“Jo sepse jam me fat, por sepse nuk heq dorë, i eksploroj të gjitha opsionet dhe dështimi nuk më tremb. Nuk mund të më interesonte më pak se çfarë mendojnë njerëzit. Të gjithë duhet ta keni këtë mentalitet."

Një tjetër thotë: "Faleminderit për këdo që ka dyshuar ndonjëherë për mua. Nuk do t'ia kisha dalë pa ty".

Faqja e saj në Instagram shfaqte foto të saj me produktet e Dior dhe Givenchy, teksa etiketonte markat e modës në një përpjekje të dukshme për t'i bërë ata të interesuar në faqen e saj.

Ajo ka këmbëngulur se nuk po përpiqet të bëhet një ndikuese e madhe, dhe që nga ajo kohë e bëri faqen private. Gjatë dënimit të saj, një gjykatës tha se ajo lejoi që djali i saj 14 muajsh të fotografohej pranë një AK-47 dhe ajo "përqafoi rolin e saj në sigurimin e luftëtarëve të së ardhmes".

Shakil tha se donte të shpëtonte nga një jetë e pakënaqur familjare, ndërsa gjykatësi tha se ajo "përqafoi Isis".

Ajo i tha familjes së saj ditën që mbërriti në Siri, se nuk do të kthehej më. Shakil u fotografua me një pushkë gjatë kohës së saj në Lindjen e Mesme, ndërsa terroristët e tërhoqën nëpër Siri dhe Irak.

Tareen Shakil përfundoi një program de-radikalizimi dhe ka folur në mënyrë kritike për grupin, duke shpjeguar se gratë duhet të sillen në një mënyrë të caktuar.