Arshi Pipa, disidenti që u arratist prej regjimit komunist

Nga OraNews Përditësimi i fundit 28 Korrik 2023, 21:46

Më 28 korrik të vitit 1920 lindi në Shkodër, Arshi Pipa. Ka qenë arsimtar, publicist, poet, gjuhëtar, kritik letrar, përkthyes dhe pedagog.

Ishte i biri Mustafa Nuriut dhe Hatixhesë, me prejardhje nga Libohova por të vendosur në Shkodër.

Mësimet fillore dhe të mesme i mori në vendlindje, të parat te Kolegji Saverian e më tej për 8 vjet në Gjimnazin e Shkodrës në degën klasike, që e përfundoi më 1938.

Me përkujdesjen e të atit për edukatën fetare, ndiqte mësime në medrese pasditeve.

Më pas studioi Letërsi e Filozofi në Universitetin e Firences.

U kthye në Shqipëri dhe nga viti 1941 dhe deri në fund të vitit 1944 dha lëndën e filozofisë në licetë shtetërorë të Tiranës, Shkodrës dhe të Durrësit.

Kur Lidhja e Shkrimtarëve nisi botimin e organit “Bota e Re”, Pipa me Kutelin ishin të vetmit jokomunistë në këshillin drejtues.

Mori pjesë në Kongresin e Parë të Lidhjes në tetor të 1945, drejtuar nga Skënder Luarasi. Burgoset në 1946-ën nga Pushteti Popullor për veprimtari antishtetërore.

Lirohet më 26 prill 1956 dhe një natë të verës së 1957 arratiset bashkë me të motrën, Fehimen.

Vendoset në Sarajevë gjer më 1959 e më pas në Amerikë ku ka jetuar e punuar një kohë të gjatë. Vdiq në Uashington, më 20 korrik të vitit 1997.

Arshi Pipa, disidenti që u arratist prej regjimit komunist