Francë: 150 të arrestuar gjatë natës së dytë të trazirave pas vrasjes së 17-vjeçarit nga policia
Nga OraNews Përditësimi i fundit 29 Qershor 2023, 13:12
Pas të shtënave fatale të një adoleshenti 17-vjeçar nga një oficer policie, 150 arrestime janë bërë gjatë natës në Francë mes një trazire të re.
“Një natë dhune e padurueshme kundër simboleve të Republikës, bashkive, shkollave dhe stacioneve të policisë të cilat dogjën dhe u sulmuan”, shkroi në Twitter ministri i Brendshëm Gerald Darmanin.
Trazirat filluan të martën në mbrëmje pasi policia qëlloi për vdekje një djalë 17-vjeçar në periferi të Parisit, Nanterre, gjatë një ndalimi trafiku.
Një patrullë me motor e kishte ndaluar të riun. Video e incidentit në celularin e një dëshmitari, e verifikuar nga kanali France Info, tregon një oficer që drejton armën te dera e shoferit të makinës.
Kur i riu pas timonit largohet papritur, oficeri qëllon nga një distancë e afërt, duke e plagosur për vdekje.
Trazirat u përhapën në rajonin e Parisit të Madh dhe në shumë qytete të tjera franceze. Rebelët u vunë flakën automjeteve dhe koshave të plehrave gjatë natës.
