Rusia kërkon "përforcime", ushtarët çeçenë mbërrijnë në Rostov

Nga OraNews Përditësimi i fundit 24 Qershor 2023, 16:08

Autoritetet ushtarake ruse janë në gatishmëri të lartë pas rebelimit të armatosur të grupit mercenar të Wagner. 

Tashmë, trupat ruse janë ngritur në jugperëndim të Moskës, ndërsa në të njëjtën kohë, në video shfaqen ushtarë çeçenë, me pajisje të rënda ushtarake si tanke, duke u nisur drejt Rostovit .

Më herët kreu i Çeçenisë, Ramzan Kadyrov, tha në kanalin e tij Telegram se ushtria çeçene dhe luftëtarët e gardës ruse janë nisur për në zonat e tensionit në Rusi. Kreu i Çeçenisë theksoi se rebelimi duhet të shtypet, duke rënë dakord plotësisht me atë që Putin tha në fjalimin e tij. 

Kadyrov e përshkroi sjelljen e Prigozhin si një "thikë pas shpine" dhe u bëri thirrje ushtarëve rusë që të mos pranojnë asnjë "veprim provokues".

Në të njëjtën kohë, mediat ruse raportojnë se luftëtarët e Wagner po largohen nga terrenet e betejës në Afrikë dhe Siri për t'u bashkuar me Prigozhin. Në të njëjtën kohë, mercenarët kërcënojnë se janë vetëm 4 orë jashtë Moskës dhe se “beteja” mund të nisë edhe sonte.