Ndërron jetë Jani Rustemaj, i riu që ra në koma pasi u arrestua për vjedhjen e një tapeti dhe një palë atletesh
Nga Edison Vatnikaj Përditësimi i fundit 20 Maj 2023, 16:58
Jani Rustemi, i riu që u arrestua në 12 prill për vjedhjen e një tapeti dhe një palë atleteve ka ndërruar jetë në ambientet e spitalit.
Ende nuk ka të dhëna se cila ka qenë sëmundja prej së cilës vuante, por në fillim të muajit ndaj forcave të rendit familjarët e tij hodhën akuza për mungesë të shërbimit.
Sipas të dhënave zyrtare dy ditë pasi ai u ndalua shfaqi shqetësime shëndetësore ndërsa u mjekua në qelinë e komisariatit. Por situata u përsërit në fund të muajt kohë kur urgjenca vendosi ta niste drejt spitalit. Madje si pasojë e problemeve ai kaloi edhe në koma.
Nëna e të riut përmes mediave kërkoi sqarimin e situatës duke shtuar se djali i saj nuk kishte sëmundje.
Si reagim dhe të përhapjes së lajmit në media policia sqaroi se po kryheshin hetime të plota.
Madje edhe prokuroria mori dosjen me mjekimet që i ishin dhënë të riut për të verifikuar atë çfarë kishte ndodhur.
Burimet në atë kohë deklaruan se i akuzuari kishte varësi nga heroina, e në vend të saj iu dha metadon.
Por tashmë kur kanë kaluar rreth një muaj nga shtrimi në spital i riu nuk ka mundur të mbijetojë.
