Danimarkë, zbulohen thesare të rralla vikinge
Nga OraNews Përditësimi i fundit 20 Prill 2023, 19:41
Thesare të rralla, duke përfshirë më shumë se 300 monedha argjendi, janë zbuluar pranë një kështjelle vikingësh në veriperëndim të Danimarkës, njoftoi sot menaxhmenti i muzeut që do t'i presë ato.
Një grua e re zbuloi thesaret vjeshtën e kaluar ndërsa po kërkonte me një detektor metali në një zonë pranë një fushe misri.
Monedhat e argjendit u zbuluan 8 kilometra larg kalasë së Firkatit, afër qytetit të Hobro, e cila daton në vitin 980 pas Krishtit.
“Thesare si ky janë shumë të rralla”, tha për AFP drejtori i muzeut të Jutlandit të Veriut, Lars Christian Norbach.
U gjetën edhe monedha me origjinë arabe dhe gjermane, si dhe një copë bizhuteri me peshë 500 gram nga Skocia ose Irlanda.
Muzeu Historik i Aalborg do të shfaqë thesaret nga 1 korriku.
