Alibeaj pas takimit me Glover: Jemi në seli me qera, pasi PD është zaptuar nga njerëz të paligjshëm
Nga OraNews Përditësimi i fundit 19 Prill 2023, 13:19
Kryetari i komanduar i PD-së, Enkelejd Alibeaj në një prononcimi për gazetarët, pas takimit me shefen e OSBE-ODHIR tha se ë njoftoi këtë të fundit për zhvillimet e fushatës deri më tani.
Ai theksoi se e informoi edhe për faktin se nuk kanë marrë masat e duhura për të përjashtuar ata kandidatë që rezultojnë me rekorde kriminale.
Alibeaj shtoi se Problemin e dinë të gjithë, PD qëndron në seli të marrë me qira dhe se selia jonë është e zaptuar në mënyrë të paligjshme, ajo frekuentohet nga njerëz që nuk përfaqësojnë PD.
Alibeaj: Bëra të qartë për t’i dhënë ndihmë dhe informacion të plotë për mënyrën se si deri tani fushata është zhvilluar, të gjitha shkeljet nga qeveria, tenderat e hapur, aktivistin që ka në funksion të plotë, administratën që e kanë vënë në funksion të zgjedhjeve. Nuk kanë marrë masat e duhura për të përjashtuar ata kandidatë që rezultojnë me rekorde kriminale. I bëra gjithçka atë qartë lidhur me procesin zgjedhor, dhe situatën brenda PD. Problemin e dimë të gjithë, fakti që ne qëndrojmë në seli të marrë me qira dhe se selia jonë është e zaptuar në mënyrë të paligjshme, ajo frekuentohet nga njerëz që nuk përfaqësojnë PD.
I bëra të qartë çështjen e mosfigurimit të kryetarëve që garojnë, besoj e kuptoni për çfarë bëhet të qartë. Saktësova edhe se kush janë subjektet zgjedhore dhe keqpërdorimin që bëhet. I bëra të qartë situatën brenda PD, arsyen përse ka ndodhur, pozicionin që kemi mbajtur, përdorimin më mënyrë të padrejtë dhe të mediave dhe financimit të partisë. PD gjatë gjithë kësaj periudhë është nisur të bëjë një fushatë për qytetarët kundër regjimit, është e papranueshme që kandidatët tanë të ndodhen në sulme nga qeveria dhe ajo pjesë që pretendonte dikur që është PD. Ka një vit e ca që kjo parti është në një person dhe gjuhë linçimi, baltosje. Njerëzit tanë nuk e kanë imagjinuar ndonjëherë të ndodhen në presion nga një palë tjetër.
