Klevis Balliu uron Kosovën për liberalizimin e vizave: Sukses historik, BE-ja shtëpia e të gjithë shqiptarëve
Nga OraNews Përditësimi i fundit 18 Prill 2023, 20:10
Klevis Balliu ka uruar Kosovën për liberalizimin e vizave.
Ai u shpreh se edhe pse një vendim i vonuar, tregon qartazi se BE është shtëpia e natyrshme e reale e të gjithë shqiptarëve.
"Liberalizimi i vizave për Kosovën është një fitore e madhe për mbarë kombin.
Ky vendim, edhe pse është i vonuar, tregon qartazi se Bashkimi Europian është shtëpia e natyrshme, reale e shqiptarëve.
Sigurisht, kjo tregon dy gjëra të mëdha: E para shqiptarët nuk kanë asnjë dilemë për përkatësinë dhe të ardhmen e tyre drejt perëndimit Euroatlantik dhe nuk ngjan me ndonjë komb dhe qeveri tjetër të Ballkanit.
E dyta, tregon se qeveria dhe qeveritë në Kosovë kanë qeverisur me norma të larta moderniteti.
Sot për të gjithë ne është një ditë e lumtur dhe urojmë së shpejti Kosovën në NATO.
Ky është një sukses historik.
Urime të dashur motra e vëllezër," tha ai.
