Akuzohet se ka abuzuar me 23 fëmijë të moshës 1-6 vjeç, babysitter qan dhe mbulon fytyrën në gjykatë

Nga OraNews Përditësimi i fundit 17 Prill 2023, 19:24

I veshur me kostum, dukej si një njeri që mund t'i besohej. Kjo është pikërisht ajo që bënë shumë prindër në Këln kur lanë fëmijët e tyre në kujdesin e Tobias W. 33 vjeç.

Por pas një fasade perfekte, sipas gjetjeve të autoriteteve hetimore, qëndronte një përbindësh që për mbi dy vjet abuzonte me fëmijët dhe fotografonte aktet e tij të neveritshme.

Gjyqi kundër të riut i akuzuar për abuzim të rëndë seksual filloi në Gjykatën Rajonale të Këlnit të hënën.

Prokurorit publik iu desh më shumë se një orë për të paraqitur të gjitha krimet që besohet se ka kryer dado nga nëntori 2019 deri në maj 2022 në Këln.

Gjatë leximit, i akuzuari vazhdimisht mbuloi me duar fytyrën dhe qante.

Akuzohet se ka abuzuar me 23 fëmijë të moshës 1-6

Tobias W. kishte ofruar shërbimet e tij si kujdestar i fëmijëve në një platformë online ose kishte aplikuar për të punuar si kujdestar i përkohshëm në qendrat e kujdesit ditor.

Ai u paraqiti prindërve të tij CV-në e tij të patëmetë, një certifikatë leje policie dhe madje edhe një distinktiv noti.

Por sapo qëndronte vetëm me fëmijët, nga një deri në gjashtë vjeç, mësohet se ka abuzuar me ta. Deri më sot, shumë viktima nuk kanë mundur të kuptojnë se çfarë u kishte bërë atyre njeriu që kujdesej për to.

Njëri nga fëmijët ishte me aftësi të kufizuara. Aktakuza bazohet për 23 djem dhe vajza të dhunuara. Deri në momentin e arrestimit, shumica e prindërve nuk dyshonin për asgjë.

“Nëse nuk do të ishte arrestuar, do të kishte vazhduar. Ky njeri përbën një rrezik për publikun" tha avokatja e një prej viktimave.

Një fqinj i të akuzuarit tha:

"Në retrospektivë, na dukej e çuditshme që ai vetë nuk kishte fëmijë, por makina e tij ishte plot me lodra dhe ai shihej rregullisht me fëmijë".

Të mërkurën e ardhshme, Tobias W. do të komentojë mbi akuzat.

Nëse dënohet për abuzim të rëndë seksual, ai përballet me të paktën pesë vjet burg.