50.000 euro dëm! Fëmijët kthejnë përmbys shkollën fillore
Nga OraNews Përditësimi i fundit 17 Prill 2023, 19:11
Ata rrëzuan tavolina dhe karrige, lyen me bojë mobiljet dhe grisën dhe shkatërruan dollapet së bashku me materialet brenda tyre.
Tre djem të moshës 11 dhe 12 vjeç kanë bërë trazira në një shkollë fillore në Haldensleben në Gjermani duke shkaktuar dëme prej disa dhjetëra mijëra eurosh.
Prindërit e Shakirës largohen nga Barcelona me ambulancë
17 Prill, 19:05
Të shtunën në mbrëmje, të tre zbuluan një derë të hapur dhe hynë në ndërtesën e shkollës. Një banor i zonës ka vënë re fëmijët rreth orës 20:30 dhe ka lajmëruar policinë.
Kur shërbimet e urgjencës mbërritën në shkollën Otto Boye në rrugën Bülstringer pak minuta më vonë, ata kapën në flagrancë fëmijët.
Policia vlerëson paraprakisht se dëmi është rreth 50.000 euro megjithatë një vlerësim i saktë do të marrë pak kohë.
Fëmijët, njëri prej të cilëve ish-nxënës i shkollës fillore, më pas iu dorëzuan prindërve të tyre. Ata duhej të paraqiteshin për një pastrim të dielën dhe të pastronin disa nga rrëmujat që kishin bërë.
Duke qenë se tre djemtë janë nën përgjegjësi penale dhe nuk mund të ndiqen penalisht për veprimet e tyre, në këtë rast përgjegjësi janë prindërit.
“Dëmi rregullohet nga kompania e sigurimeve. Prandaj, kompania e sigurimeve ndoshta do t'u kërkojë prindërve të fëmijëve të paguajnë më pas" tha policia.
