Aksident në Vlorë, makina përfundon në humnerë, plagoset drejtuesi dhe pasagjerja
Nga Edi Ruçi Përditësimi i fundit 15 Prill 2023, 13:15
Një aksident ka ndodhur sot në Vlorë, ku një mjet i drejtuar nga një 70 vjeçar ka dalë nga rruga duke rënë në humnerë.
Për pasojë ka mbetur e plagosur pasagjerja, 65 vjeçe dhe drejtuesi.
"Sot, rreth orës 12:00, në aksin rrugor Vlorë-Kuç, shtetasi Kacandon Hasanaj, rreth 70 vjeç, duke drejtuar automjetin tip "Opel", ka humbur kontrollin mbi drejtimin e mjetit dhe mjeti ka dalë nga rruga, duke rënë në një humnerë.
Si pasoje e aksidentit ka ngelur i dëmtuar drejtuesi i automjetit dhe pasagjerja, shtetasja Elena Hasanaj, rreth 65 vjeçe, të cilët u transportuan në spital, për ndihmë mjekësore," njoftoi policia.
Në vendngjarje ndodhet grupi hetimor, i cili po kryen veprimet e mëtejshme në lidhje me zbardhjen e rrethanave të aksidentit.
