Varianti i ri i Covid-19 i quajtur “Arcturus” konstatohet edhe në Itali
Nga OraNews Përditësimi i fundit 14 Prill 2023, 14:48
Varianti Arcturus i Covid është identifikuar në Itali nga ekipi i profesor Fausto Baldanti, drejtor i Njësisë së Mikrobiologjisë dhe Virologjisë të Irccs San Matteo di Pavia.
Këtë e ka bërë të ditur këshilltari për Mirëqenien e Rajonit të Lombardisë, Guido Bertolaso, duke shpjeguar se për momentin nuk ka asnjë lajm për identifikime të tjera në nivel italian të Arturo, emri me të cilin është riemërtuar varianti Covid XBB.1.16.
"Përgëzoj Profesor Baldantin dhe ekipin e tij për aktivitetin e rëndësishëm të mbikëqyrjes. Përgëzoj të gjithë shkencëtarët e laboratorit Lombard që vazhdojnë punën e kujdesshme të analizës. Për këtë variant të ri nuk ka asnjë provë për të parashikuar masa shtesë: është gjithmonë e rëndësishme parandalimi, jo vetëm për Covid-in, por për të gjitha viruset e frymëmarrjes, higjiena e duhur e duarve dhe përdorimi i maskave në prani të njerëzve të brishtë/të sëmurë dhe kur keni simptoma gripi.”
Varianti Arcturus u identifikua përmes ekzaminimit aktiv në spital, i cili përfshin si pacientë të shtruar në spital ashtu edhe pacientë që hyjnë në dhomën e urgjencës.
Qendra Evropiane për Kontrollin e Sëmundjeve Infektive, në raportin e saj të datës 23 mars, nuk e ka shoqëruar ende variantin me karakteristika të ndikimit më të madh qoftë në ashpërsi apo në aftësinë për të infektuar.
