Merrni masa! Fundjava do të jetë me shi. Metereologu thotë: Do të jenë ditë të freskëta deri në fillim të majit

Nga OraNews Përditësimi i fundit 14 Prill 2023, 14:22

Fundjava do të jetë me shi por me temperatura të larta.  meteorologët parashikojnë se pranvera të sjell në Shqipëri temperaturat tipike të stinës ndërsa edhe ditët e para të majit do të jenë të freskëta, dhe me reshje lokale.

Ndryshimi i kushteve të motit mund të prekë planet për fundjavë. Sipas “Meteoalb”, reshjet e shiut do të jenë të pranishme gjatë së shtunës dhe të dielës, megjithëse temperaturat do të jenë të larta.

Hakil Osmani, Meteorolog: “Kjo fundjavë në fakt edhe pse do të jetë në prezençën e reshjeve, temperaturat do të jenë disi të larta rreth vlerës 20 apo 21 gradë çelsius. Fillimjava do të sjellë edhe rënie të temperaturave të ajrit me 2-3 gradë”.

Kjo pranverë ka rikthyer në Shqiperi kushtet atmosferike si ato të viteve ‘90.

Ditët e freskëta do të janë tipike për stinën e parë të vitit.

Këtë herë ditët e nxehta do të vijnë gradualisht.

Hakil Osmani, Meteorolog: “Ditët e mbetura do të jenë me temperatura të luhatura që do të jenë në vlerat 19-20 gradë çelsius, ndërsa java e fundit parashikohet të sjellë rritje të ndjeshme të temperaturave të ajrit. Kjo pranverë do të jetë tipike sa i përket territorit shqiptar. Një pranverë e freskët dhe me temperatura që nuk do të jenë mbi 23-24 gradë çelsius”.

Sipas siniptikanëve, edhe muaji maj do të jetë me temperatura tipike pranverore, i freskët dhe i lagësht në ditët e para të tij.

Merrni masa! Fundjava do të jetë me shi. Metereologu thotë: Do