Francezët pro eutanazisë, Macron urdhëron qeverinë të hartojë projektligjin për vdekjen e asistuar
Nga OraNews Përditësimi i fundit 3 Prill 2023, 17:56
Franca do të hartojë një projektligj për eutanazinë ose e njohur ndryshe si vdekja e asistuar, pasi qytetarët mbështesin këtë nismë.
Presidenti francez Eammanuel Macron ka udhëzuar që shohë rastin nëse eutanazia ose e njohur ndryshe si vdekja e ndihmuar, duhet të lejohet në Francë pasi një konventë qytetare votoi pro.
Ai tha se një projektligj do të hartohej deri në fund të verës dhe gjithashtu premtoi një “plan 10-vjeçar” për kujdesin në fund të jetës. “Sistemi ynë i mbështetjes deri në fund të jetës mbetet i keqpërshtatur me kërkesat bashkëkohore,” tha Macron.
Macron foli pas takimit me anëtarët e një konvente prej 184 personash të ngritur për të shqyrtuar çështjen e eutanazisë dhe vdekjes së asistuar. Ajo votoi me një shumicë prej 76% në favor të një forme të eutanazisë ose të ndihmuar në vdekjen në kushte të caktuara për ata që e duan atë. “Vendimi i konventës mbart me vete një kërkesë dhe një pritshmëri për një model francez deri në fund të jetës. Ne do t’i përgjigjemi”, tha lideri francez.
Një sondazh i opinionit nga Journal du Dimanche zbuloi se 70% e të pyeturve ishin në favor të një forme të vdekjes së asistuar.
