Liverpool shënjestron mesfushorin e zbuluar nga Igli Tare
Nga OraNews Përditësimi i fundit 21 Mars 2023, 09:55
Jurgen Klopp do të rifreskojë skuadrën gjatë merkatos së kësaj vere, pavarësisht ecurisë së Liverpool në kampionat. Zona Champions nuk është kusht për afrime të rëndësishme në radhët e “The Reds” që do të kërkojnë emra me peshë por duke u kujdesur edhe për shpenzimet.
Një prej tyre është edhe mesfushori serb i Lazios, Milinkovic Savic, për të cilin Liverpool ka gati 50 milionë euro duke vlerësuar edhe faktin që kontrata e shtatlartit skadon në vitin 2024.
I transferuar 8 vite më parë në Romë pas këmbënguljes së Igli Tares, Milinkovic kërkon një ambjent të ri për të vazhduar karrierën dhe Liverpool do të ishte klubi ideal për 28-vjeçarin serb.
Lojtari ballkanas do të plotësojë pjesërisht boshllëkun që do të lenë Naby Keita, Alex Oxlade-Chamberlain dhe James Milner, që të tre në fund të kontratës me të kuqtë. Milinkovic numëron 330 ndeshje dhe 64 gola të shënuar me fanellën e Lazios.
