Shijak, 31-vjeçari përplas me makinë për vdekje të riun dhe largohet
Nga OraNews Përditësimi i fundit 8 Mars 2023, 20:52
Një aksident me pasojë vdekjen e një të riu ka ndodhur mbrëmjen e sotme në Shijak.
Ngjarja ka ndodhur rreth orës 19:15, në fshatin Rreth, ku një automjet me drejtues shtetasin N. D., 31 vjeç, ka përplasur shtetasin H. H., 32 vjeç, i cili udhëtonte me biçikletë, ku si pasojë e përplasjes ka humbur jetën.
Drejtuesi i automjetit është larguar nga vendngjarja.
Shërbimet e Policisë Shijak, pas marrjes së njoftimit, kanë organizuar punën dhe falë veprimeve të shpejta dhe informacioneve bënë të mundur lokalizimi dhe kapja e autorit, bllokimin e automjetit dhe shoqërimin në ambientet e Komisariatit të Policisë Shijak, të shtetasit N. D., 31 vjeç, për veprime të mëtejshme.
Grupi hetimor nën drejtimin e Prokurorisë vijon punën për zbardhjen dhe dokumentimin e plotë të shkakut të aksidentit.
