Panamaja refuzon martesën e të njëjtit seks në një çështje gjyqësore historike: Jo e drejtë e njeriut
Nga OraNews Përditësimi i fundit 5 Mars 2023, 16:26
Gjykata e Lartë e Panamasë ka vendosur kundër martesës së të njëjtit seks, duke thënë se kjo nuk është një e drejtë njerëzore.
“Ekziston një realitet, dhe ai është se, deri më tani, e drejta për martesë të barabartë nuk është gjë tjetër veçse një aspiratë, edhe pse e ligjshme për grupet e përfshira, dhe nuk bën pjesë në kategorinë e një të drejte njerëzore apo të një e drejta themelore”, tha gjykata, në vendimin e lëshuar më 1 mars.
Rasti rezultoi nga çifte të të njëjtit seks, të cilët ishin martuar në vende të tjera, që kërkonin që bashkimet e tyre të njiheshin në Panama.
Por gjykata vendosi se pavarësisht se sa ndryshime ndodhin në realitet, martesës së të njëjtit seks i mungon njohja konvencionale dhe kushtetuese, raportoi AFP.
Gjykata e Lartë nënkuptoi me vendimin e saj se Kodi i Familjes i vendit i jepte përparësi atyre që janë të aftë për të krijuar familje duke i dhënë vazhdimësi specieve njerëzore, dhe për rrjedhojë, shoqërisë.
Një komision i krijuar në vitin 2022 e shqyrtoi çështjen, duke dëgjuar anëtarët e publikut që folën se pse po kërkonin martesa të të njëjtit seks, aktivistë të të drejtave civile dhe një delegacion nga Qeveria Kombëtare e Panamasë.
