Kasmi: Nuk është rastësi lidhja e Ramës me Nezën, Duçkën dhe Mcgonigal, i ke në dosje
Nga OraNews Përditësimi i fundit 2 Mars 2023, 21:59
Në “Drejt” nga Luan Rama në RTV Ora, Bledi Kasmi, anëtar i Kryesisë PD-së u shpreh se në aktakuzë thuhen fakte të rëndë për Ramën, që ka lidhje me Nezën dhe Duçkën, e me Mcgonigal.
Ai tha se ky është rasti më flagranti i korruptimit të një zyrtari të lartë të FBI-së nga një kryeministër, pasi në dosje përmendet edhe marrja e parave.
Kasmi: Në aktakuzë thuhen fakte të rëndë për Ramën, që ka lidhje me Nezën dhe Duçkën, e me Mcgonigal dhe nuk mundtë themi se këto janë të rastësishme, kur merren dëshmitarët dhe paguhen nga këshilltarët e vetë kryeministrit. Si qenkan të gjitha këto rastësi?
Ky është rasti më flagranti i korruptimit të një zyrtari të lartë të FBI-së nga një kryeministër. Aty janë evidentuar edhe paratë që janë marrë nga ky zotëria në aktakuzë.
