Kosovë-Serbi, Arifi: Marrëveshja e propozuar e njëanshme, ndërkombëtarët luajnë anën e Serbisë
Nga OraNews Përditësimi i fundit 27 Shkurt 2023, 16:13
Shqiprim Arifi kryetar i komunës së Preshevës në një intervistë për Ora News me gazetarin Arnold Kariqi foli lidhur me marrëveshjen e propozuar për normalizimin e raporteve Kosovë-Serbi.
Arifi tha se "Marrëveshja e propozuar është e njëanshme". Kryetari i komunës së Preshevës thotë se dërkombëtarët luajnë anën e Serbisë "pasi interesi më i madh i ndërkombëtarëve është të shkëpusin Serbinë nga Rusia sesa me qenë partner serioz me ne".
Shqiprim Arifi: Marrëveshja e propozuar është e njëanshme. Është një marrëveshje në mënyrë të përgjithshme. Marrëveshja është e përpiluar aq shumë në mënyrë të përgjithshme saqë secili mund et me e pa në mënyrën e vet dhe me e përpiluar në mënyrën e vet. Kjo e bën jo shumë stabile implementimin. Kjo marrëveshje përmban dhe marrëveshjet e mëhershme përfshirë dhe Asociacionin të cilin në Kosovë e ka hedhur poshtë kushtetuta, ka dhe marrëveshje që Serbia nuk i ka zbatuar. Me rëndësi është që është një kërkesë e ndërkombëtarëve dhe lidhet me zhvillime globale, dhe me luftën Rusi Ukrainë. Ne jemi partner dhe duhet të kemi parasysh që partnerët tanë e kanë një situatë të rënduar ndërkombëtare dhe duhet të jemi komunikativ me ata.
A medoni se ndërkombëtarët po luajnë rol asnjanës ndaj dy palëve?
Shqiprim Arifi: Jo. Luajnë anën e Serbisë pasi interesi më i madh i ndërkombëtarëve është të shkëpusin Serbinë nga Rusia sesa me qenë partner serioz me ne. ndërkombëtarët kanë luajtur këtu me dy standarte dhe në formë të rëndë. Një nga parimet e Europës është me mbrojt minoritetet. Ne shqiptarët jemi një minoritet dhe nëse Serbia nuk merr asnjë vërejtje nga BE me vite, kjo është e paparë.
Shenim: *Ky është artikull ekskluziv i Ora News, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Ora News” bashkëngjitur me linkun e artikullit origjinal.
