Vrau mësuesen e spanjishtes, nxënësi: Një zë më tha gjatë natës ta vrisja
Nga OraNews Përditësimi i fundit 22 Shkurt 2023, 14:43
"Ai ishte pushtuar nga demonët e tij... Një zë i tha natën se duhet të vriste mësuesen e spanjishtes."
Nxënësi 16-vjeçar, ka pranuar me këto fjalë krimin e tij të tmerrshëm, fillimisht tek një profesor i tij dhe më pas tek autoritetet policore.
E gjithë bota politike e Francës, si dhe komuniteti arsimor i vendit, janë tronditur nga ngjarja tragjike e ndodhur mëngjesin e sotëm në juglindje të vendit dhe shprehin ngushëllimet për familjen e mësueses së ndjerë.
16-vjeçari studionte në shkollën e dytë të mesme të institucionit arsimor privat katolik në qytetin Saint-Jean-de-Luz, ku studiojnë rreth 1100 studentë.
Sipas burimeve të gazetës “Le Figaro”, studenti, i cili mësohet se është me probleme mendore, ka goditur me thikë në zemër mësuesin e tij.
Thika me të cilën i ka prerë fillin mësuesit 53-vjeçar, ka pasur një teh 10 cm të gjatë.
Mësuesja 53-vjeçare, vdiq nga arresti kardiak kur shërbimet e urgjencës mbërritën në vendngjarje, njoftuan mediat lokale.
