Blushi: Shalsi luan shah! Baftjari voton me të dyja duart edhe për kolegen që s'është, PS në degradim total
Nga OraNews Përditësimi i fundit 2 Shkurt 2023, 15:52
Në një kohë kur çdokush priste të paktën një shpjegim nga kryeministri Edi ram dhe një reflektim për situatën që ka shkaktuar shpërthimi i skandalit të arrestimit të ish-zyrtarit të lartë Charles McGonigal që ëhstë dhe mik i Ramës dhe i mikpritur nga i gjithë kabineti i qeverisë shqiptare dhe jo vetëm, socialistët nulk e kursyen as në seancën e sotme shpërfaqjen e arrogancës së pushtetit
Kreu i Komisionit të Ekonomisë Eduard Shalsi u shfaq në Kuvend duke luajtur shah në një kohë kur foltorja ishte pushtuar nga kolegët e tij të opozitës.
Ndërsa deputeti tjetër i Partisë Socialiste, Baftjar Zeqaj, duket se ka votuar në këtë seancë edhe për kolegen e tij.
Siç shihet në këto pamje, në momentin kur është hapur votimi, ai ka votuar elektronikisht edhe për emrin e tij, edhe për atë të koleges Tatiana Piro. Në momentin e votimin Piro nuk ka qenë në sallë, ndërsa është kthyer disa minuta më vonë.
Dhe lidhur me këtë situatë ka reaguar edhe Sekretari i Përgjithshëm i Partisë së Lirisë, tedi Blushi, i cili thotë se ngjarje të tilla janë dëshmi e degradimit të parlamentarizmit.
“Degradimi i parlamentarizmit!
Shalsi luan shah! Baftjari voton me të dyja duart!
Mjaftojnë këto foto për të kuptuar se në çfarë niveli ndodhet sot Kuvendi i Shqipërisë dhe se cilët janë deputetët e "Rilindjes". Turp e faqja e zezë!”, thotë Tedi Blushi.
