Partizani në telashe, Teuta e mund në shtëpi
Nga OraNews Përditësimi i fundit 26 Janar 2023, 17:59
Ndeshja e tretë rresht pa fitore në kampionat për skuadrën e Partizanit që vetëm falë humbjes së Vllaznisë në Ballsh vazhdon të ruajë pozitat në vendin e dytë të klasifikimit.
Skuadra e Giovani Colella-s e vuan dhe shumë madje mungesën e Skukës dhe kjo u duk që në sfidën e javës së 18 me Teutën ku durrsakët triumfuan 2-0. Triumf shumë i rëndësishëm për skuadrën e Edi Martinit ku Marku fillimisht dhe Kallaku në të dytën vulosën fitoren e miqve të cilët luajtën një ndeshje të kujdesshme.
Cara humbi disa raste të arta në fillimin e ndeshjes por me kalimin e minutave Teuta mori masat duke menduar edhe për sulmin e kjo strategji i dha të drejtë.
Me këtë fitore, durrsakët ngjiten menjëherë në vendin e shtatë të klasifikimit me 21 pikë, vetëm 9 më pak se të kuqtë e vendit të dytë që tashmë rrezikojnë të shkëputen edhe më shumë nga Tirana kryesuese.
