Gjendje e jashtëzakonshme në Skënderaj nga përmbytjet, çifti i moshuar nxirret nga shtëpia e rrethuar nga uji
Nga OraNews Përditësimi i fundit 19 Janar 2023, 22:07
Qytetet e fshatrat e Kosovës janë përballur me vërshime të mëdha e ujëra të rrëmbyeshëm. Shumë rrugë janë bllokuar duke e bërë të pamundur qarkullimin e veturave e të qytetarëve.
Si rezultat i reshjeve të shumta të shiut kryetari i Komunës së Skenderajt, Fadil Nura ka shpallur gjendje të jashtëzakonshe.
Ekipet emergjente janë duke u përpjekur t’i ndihmojnë qytetarët të cilët janë bllokuar nëpër shtëpitë dhe lokalet e tyre.
Ndërsa një qytetar atje ka publikuar një video ku shihet një situatë e rëndë gjatë evakuimit të banorëve në fshatin Llaushë. Ata që po ndihmonin një çift që kishin mbetur të ngojuar ishin edhe zyrtarët komunal të Skenderajt , shkruan Insajderi.
Ky moment është xhiruar nga fotografi Brahim Nura.
Në disa zona raportohet se ka edhe shembje të dheut.
Qeveria e Kosovës ka njoftuar se ka ngritur nivelin e gatishmërisë së kapacitetit koordinues dhe reagues, me qëllim të reagimit ndaj situatës së krijuar. Megjithatë, siç njofton, deri tani vetëm po monitoron përkundër situatës tashmë të rëndë.
