FOTO-VIDEO nga Haga/ Ish-krerët e UÇK-së dalin para Speciales, do flasin për përgjegjësitë komanduese
Nga OraNews Përditësimi i fundit 18 Janar 2023, 11:01
Në foto: Hashim Thaçi
Në Gjykatën Speciale në Hagë ka nisur konferenca përgatitore për gjykim në rastin e ish-krerëve të UÇK-së Hashim Thaçi, Kadri Veseli, Rexhep Selimi dhe Jakup Krasniqi.
Ata të katër janë paraqitur fizikisht në këtë seancë paragjyqësore. Më herët, ata kryesisht paraqiteshin përmes lidhjes direkte, duke mos qenë të pranishëm.
Seanca e sotme në Hagë
Aty pritet të diskutohet lidhur me gatishmërinë e palëve që gjykimi të fillojë më 1 mars dhe kohëzgjatjen e fjalës së tyre hyrëse.
Në foto: Jakup Krasniqi
Gjithashtu, pritet të diskutohet edhe për çështjet tjera procedurale dhe substanciale.
Gjykata speciale ka njoftuar paraprakisht se ndër tjerash, do të kërkohen edhe sqarime nga palët lidhur me procedurën e Zyrës së Prokurroit të Specializuar për nxjerrjen e provave dhe listën e dëshmitarëve që do të paraqiten në gjykim.
Në foto: Kadri Veseli
Një diskutim është paralajmëruar edhe për përgjegjësitë komanduese.
PER TE PARE LIVE SEANCEN NE HAGE KLIKONI KETU
