Vajza e Elvis Presley do të varroset pranë babit dhe djalit të saj 27 vjeçar që vrau veten
Nga OraNews Përditësimi i fundit 14 Janar 2023, 08:46
Lisa Marie Presley do të varroset pranë babait dhe djalit të saj të ndjerë në pronën e familjes në Tennessee, Graceland, sipas një përfaqësuesi të familjes.
Këngëtarja, e cila vdiq pasi thuhet se pësoi arrest kardiak në shtëpinë e saj të enjten, ishte 54 vjeç.
Ajo ishte fëmija i vetëm i "Mbretit të Rock 'n' Roll", Elvis Presley.
“Vendi i fundit i pushimit të Lisa Marie do të jetë në Graceland, pranë djalit të saj të dashur, Benit”, tha një përfaqësues i vajzës së saj.
Djali i Presley-t, Benjamin Keough, vrau veten në gusht 2020 në moshën 27-vjeçare.
Në një nga postimet e saj të fundit në mediat sociale, Presley ndau një ese që shkroi për revistën People për luftën e saj me pikëllimin pas vdekjes së djalit të saj.
"Unë jam përballur me vdekjen, pikëllimin dhe humbjen që në moshën 9-vjeçare. Unë kam pasur më shumë se kushdo pjesën e duhur të saj në jetën time dhe në njëfarë mënyre, ia kam arritur deri këtu", ka shkruar ajo.
"Vdekja është pjesë e jetës, pavarësisht nëse duam apo jo - dhe po ashtu edhe pikëllimi."
Ajo ka lënë pas tre vajza - Riley Keough, një aktore, dhe binjakët Finley dhe Harper Lockëood - dhe nëna e saj, Priscilla.
