Itali, gozhdë në makaronat e fëmijëve në shkollë, pezullon shërbimin në të gjitha institucionet
Nga OraNews Përditësimi i fundit 6 Dhjetor 2022, 19:38
Polemika në Monterotondo pasi fotoja e një gozhde, e gjetur brenda një pjate me makarona me salcë, e shërbyer për fëmijët në mensën e një kopshti u bë virale.
Imazhi është filmuar në bisedat e prindërve, të cilët kanë shprehur zemërimin dhe shqetësimin e tyre për këtë ngjarje.
Instituti raportoi menjëherë për faktin tek autoritetet, në Drejtorinë e Politikave Arsimore të Bashkisë dhe te koncesionari i shërbimit.
Më tej ai ka bërë denoncim te karabinierët. Kryebashkiaku Riccardo Varone ka pezulluar shërbimin (1700 fëmijë do të jenë pa mensë për momentin) dhe në një postim të gjatë në Facebook njoftoi se karabinierët janë në punë për të hetuar rastin.
Kryebashkiaku ka pezulluar mensat në të gjitha shkollat me efekt të menjëhershëm, ndërsa kompania koncesionare e shërbimit dhe ka bërë denoncim ndaj personave të panjohur në stacionin lokal të Karabinierëve.
E përballur me këtë episod të fundit të rëndë, administrata komunale e pa të nevojshme marrjen e masës ekstreme që është ajo e pezullimit të shërbimit të mensës në të gjitha shkollat e të gjitha niveleve, deri në një njoftim të dytë.
Ky nuk është rasti i parë i ngjashëm në komunën e qytetit metropolitane të Romës. Tashmë në vitin 2021 tre episode të tjera ishin zbuluar në institucione të tjera të qytetit deri në atë pikë sa kompania që kujdesej për shërbimin e mensës ishte zëvendësuar.
